Googleចាយជិត១០ពាន់លានដុល្លារជាថ្នូរពឹងពាក់Appleឲ្យជួយរឿងមួយ
ចំណូលពីផ្នែកសេវាកម្មរបស់ក្រុមហ៊ុនAppleបានកើនឡើងកាលពីឆ្នាំទៅហើយក៏រំពឹងនឹងនៅតែបន្តកើនឡើងបន្ថែមទៀតនាឆ្នាំ២០១៩នេះ។យោងតាមការព្យាករណ៍ពីGoldmanSachsបានឲ្យដឹងថាកន្លងទៅចំណូលមួយភាគប្រាំរបស់ក្រុមហ៊ុនយក្សអាមេរិកAppleបានកើបចេញពីGoogle។
ក្នុងនោះគឺទំហំចំណូលប្រមាណ៩ទៅ១០ពាន់លានដុល្លារដែលGoogleបានផ្តល់ជូនAppleជាថ្នូរទិញសិទ្ធឲ្យសេវាកម្មSearchEngine(Google)របស់ខ្លួនលោតជាការកំណត់ដោយស្វ័យប្រវត្តិក្នុងកម្មវិធីរុករកលើអ៊ីនធឺណិតនៃឧបករណ៍iOS។
ការទូទាត់ថ្លៃចំណាយនេះក៏នឹងប្រាកដថាGoogleអាចទាញផលចំណេញពីក្រុមហ៊ុនមានមូលដ្ឋាននៅទីក្រុងCupertinoជៀសវាងAppleផ្តល់សិទ្ធឲ្យគូប្រជែងនៃសេវាកម្មSearchEngineរបស់ក្រុមហ៊ុនដទៃ។ជារួមប្រសិនណាGoogleបដិសេធក្រុមហ៊ុនរបស់លោកTimCookក៏អាចនឹងបង្វែរការចាប់អារម្មណ៍ទៅសហការជាមួយMicrosoftលើការទទួលយកBingមកវិញក៏ថាបាន។
0 Comments