កុំភ្លេចចូលរួមទាំងអស់គ្នា! អ្នកពាក់ព័ន្ធក្នុងវិស័យឧស្សាហកម្ម IT និង ICT ទាំងអស់ មិនថាតែ អ្នករៀនផ្នែកបច្ចេកទេស អ្នករកស៊ីផ្នែកបច្ចេកវិទ្យា ឬអ្នកទើបចាប់ផ្តើមអាជីវកម្មចាប់ផ្ដើមថ្មី(Start-up) នោះទេ សុទ្ធតែអាចចូលរួមបានដោយសេរី។
ពិពរណ៍បច្ចេកវិទ្យាថ្នាក់ជាតិដំបូងនេះ ធ្វើឡើងក្នុងគោលបំណងប្រមូលផ្ដុំគ្រប់ អាជីវកម្មចាប់ផ្ដើមថ្មី(Start-up) អ្នកមានវិជ្ជាជីវៈអាជីព និងគ្រឹះស្ថានសិក្សាស្រាវជ្រាវ ដើម្បីពិគ្រោះពិភាក្សាយោបល់ និងបង្ហាញនូវនិន្នាការថ្មីៗនៃ ការអភិវឌ្ឍន៍ក៏ដូចជា បញ្ហាប្រឈមនានាលើវិស័យឧស្សាហកម្ម IT និង ICT ក្នុងក្របខណ្ឌជាតិ និងអន្តរជាតិឲ្យកាន់តែទូលំទូលាយ។
វិទ្យាស្ថាន NIPTICT ជាម្ចាស់កម្មវិធីដ៏ធំនេះ ព្រមទាំងមានការគាំទ្រដោយក្រសួងប្រៃសណីយ៍ និងទូរគមនាគមន៍ (MPTC) និងមូលនិធិនៃការកសាងសមត្ថភាព និងការស្រាវជ្រាវ និងការអភិវឌ្ឍលើវិស័យទូរគមនាគមន៍ និងបច្ចេកវិទ្យាគមនាគមន៍ និងព័ត៌មាន (CBRD)។
ក្នុងនោះដែរអ្នកចូលរួមវិភាគទានធំទី ១ គឺ ក្រុមហ៊ុន Smart អ្នកចូលរួមវិភាគទានធំទី ១ គឺ ក្រុមហ៊ុន Metfone អ្នកឧបត្ថម្ភធំគឺ ក្រុមហ៊ុន Huawei និង CFOCN សហការរៀបចំកម្មវិធីដោយ ក្រុមហ៊ុន Sabay Digital Corp. និង Two Way PR៕
0 Comments